Intro

大家好，我系明日女菁基金会始创董事张竞诗Secy。

好多人都觉得，生活裡面，有好多意料之外嘅事，令到追梦嘅路困难重重。但其实，生命每一刻都可以梦想成真。

今集，我的好高兴，请到彭秀慧Kearen，嚟同我的做分享，讲述一下佢追梦嘅心路历程，同埋佢系点样用梦想感染其他人？Kearen系香港一位集编、导、演、教于一身嘅跨媒体艺术工作者。

从参与香港著名中英剧团，做舞台剧演员开始，到开设自己製作公司，监製一系列自编，自导，自演，过一百场剧场作品，再做导演。Kearen系香港公认出色嘅跨媒体创作人。

2008年，凭第二齣独角戏《再见不再见》获得香港舞台剧奖喜闹剧最佳女主角，2014年当选为香港十大杰出青年。2017年，凭首部执导电影《29加1》喺法国尼斯国际影展获得外语剧情片最佳导演奖项，翌年亦凭该电影勇夺第37届香港电影金像奖新晋导演。

而家，就等我的一齐嚟听下Kearen分享佢从演员开始走到更大舞台嘅旅程。

Outro

Kearen嘅作品陪伴好多人嘅成长，包括我自己。喺人生唔同嘅阶段，每一次睇佢嘅作品，都有啲唔同嘅感觉，甚至触动到内心嘅痛点。

赢尽观众掌声同埋眼泪嘅背后，Kearen话，失败系冇得惊，好似佢咁保持初心，不断努力同尝试，先可以将失败变为成长，为人生创造唔只一种嘅可能性。我觉得，与其话每一次都系由零开始，不如话过往付出嘅每一步，就系为未来埋下伏笔。

所以，即使嗰一刻得唔到想要嘅结果，我的都千祈唔好睇少每一次嘅努力，更加唔好质疑自己，因为我的最后发挥到嘅影响力，可能超越我的自己嘅想像。就好似Kearen咁，从小梦想做演员，到做编剧、导演、导师，仲组织埋义工团，通过戏剧嚟回馈社会。虽然角色有所唔同，但初衷同梦想始终未变。

透过唔同嘅媒体表达，将想法带入观众嘅内心，影响左无数嘅观众。Kearen所做嘅，正正就系我的所讲嘅Dream, Lead, Make an Impact.

引用Karen《月球下的人》剧中小说家嘅一句话，将梦想睇得好近嘅人才会成功。同一天空下，我的一起飞翔。

希望大家同Kearen一样，怀有一颗善良嘅心，向梦想进发，发挥自身影响力，令世界变得更好。

请留意《Dream Teller》专访系列，我的会喺城中继续邀请唔同行业，唔同岗位嘅嘉宾分享自己嘅故事。唔知我下一集又会遇到边个Dream Teller呢?

https://www.youtube.com/watch?v=ZNSXpylCzd4