Intro

大家好，我系明日女菁基金会始创董事张竞诗Secy。

时尚系好美丽，但系美丽嘅背后，大家又有冇反思过呢个美丽嘅代价呢？全球时装业界喺生产背后引起嘅问题，包括资源运用、污染、速食文化下快速时尚过度生产造成嘅浪费。时装业界开始去尝试正视呢啲问题，例如，增加可持续发展方面嘅设计、服装回收。

但究竟唔喺时装界工作嘅你同我，作为消费者，又点样可以出一分力呢？

今集，我的好高兴，请到时间缝纫师林蔚彦Toby Crispy同我的做专访。

Toby做过时装设计师、杂志编辑、国际品牌设计部管理层。究竟，时间缝纫师系咪一种崭新嘅职业呢？

今集，佢会同我的分享一下，佢点样用创意去帮手治疗佢口中坏左嘅时装工业，美丽，而又有意义。

Outro

Toby Crispy喺时装体系中担当过唔同角色，咁多年嚟为寻找理想中嘅时装而奔波。最终，畀佢搵到佢心目中永续时尚嘅定义。Toby而家做紧嘅野，除左讲求环保之外，仲讲求美学。环保都可以好靓好型，佢讲嘅环保使命，最触动我嘅，莫过于改造离世亲人嘅旧衣，延续亲情。

每件衣物都承载住唔同时间，甚至系唔同年代嘅故事。传承，除左衣物之外，仲有人同人之间嘅连繫。透过升级再造，重塑时尚，去品味时间嘅价值，担当时间缝纫师，让更多人留住时间下嘅故事。

希望大家听完Toby今集嘅分享之后，扩阔对环保时装嘅观念，亦明白到，每个人对于可持续发展，都可以出一分力。为未来，我的可以追求真正美丽嘅时尚，任何崭新嘅行业，亦都可以好似Toby咁样，一步一步由自己行出嚟。

请留意《Dream Teller》专访系列，我的会喺城中继续邀请唔同行业，唔同岗位嘅嘉宾分享自己嘅故事。唔知我下一集又会遇到边个Dream Teller呢?

https://www.youtube.com/watch?v=oUvoRDa19uc