Intro

大家好，我係明日女菁基金會始創董事張競詩Secy。

隨住科技嘅進步，新媒體持續推陳出新，我哋普遍更加習慣用手機、電腦、Smart TV等等嘅智能設備，透過網上媒介接收各種資訊，包括網絡、電視、串流影音平台等等。新媒體可以話滲透住我哋嘅日常生活。

今集，我哋好高興，請到從事媒體同娛樂業務嘅李凱怡Janice接受專訪。Janice係電訊營科媒體集團董事總經理兼Viu行政總裁。佢唔單止推動同埋帶領Viu OTT視像串流服務嘅推出，亦都將佢國際化。同時，佢亦主管數碼音樂串流服務MOOV，以及香港本地免費電視服務Viu TV。新媒體嘅發展日新月異，Janice喺呢個行業一直勇於求新、敢於嘗試，背後究竟蘊藏住咩秘訣呢？而家就等我哋聽下Janice嘅分享。

Outro

領袖。之前，Jennifer帶我哋深入探討做一個領袖嘅素質，今次就由Janice話畀我哋聽領袖嘅行事同埋信念。

透過今日嘅對話，我感受到佢係一個身體力行，坦誠，謙遜，而且好思想開明嘅領導者。

Janice提醒我哋，無論喺任何工作崗位，都應該時刻提高自己嘅領悟力，判斷力同埋執行力。同時，好重要嘅係，不論喺人生，定係工作，都應該以靈活嘅心態去應變各種挑戰。

好似Janice帶領團隊一樣，有規劃，有組織咁，朝住同一個目標進發。你哋覺唔覺得，有時限制我哋自己嘅，可能就係我哋本身，好似Janice咁講。除咗不斷作出新嘅嘗試，突破自己，仲要記得再嘗試。因為，喺唔同時間，做同一樣嘢，有時會得到唔一樣嘅結果，可以創造出更多嘅可能性。希望大家都感受到Janice嘅感染力，保持開放嘅心態，勇於創新，敢於求變，朝住自己嘅夢想走得更遠。

請留意《Dream Teller》專訪系列，我哋會喺城中繼續邀請唔同行業，唔同崗位嘅嘉賓分享自己嘅故事。唔知我下一集又會遇到邊個Dream Teller呢？

https://www.youtube.com/watch?v=ZNSXpylCzd4