立即申請
DreamTeller 分享系列: What Makes A Leader - 鄭余雅頴, 明日女菁基金會創辦人
日期： 2025年02月13日
場地： -
Intro
大家好，我係明日女菁基金會始創董事張競詩Secy。
明日女菁，究竟點樣先至可以成為明日女菁呢？領袖需要具備啲乜嘢素質？亦都會遇到啲乜嘢挑戰？
今集，我哋邀請到明日女菁基金會創辦人鄭余雅頴 Jennifer接受專訪，分享一下佢嘅成長旅程，對教育有啲乜嘢睇法，同埋創立明日女菁基金會背後嘅理念。
Outro
聽完Jennifer嘅分享，我諗起一句說話：為者常成，行者常至，持之以行，親力親為。推動佢所相信嘅理念，為教育喺唔同方面作出貢獻。
Jennifer令我覺得人生係一個充滿各種經歷同感受嘅旅程。喺呢個旅程當中，我哋會遇到各種人，經歷各種事，遇到唔同嘅挑戰。
亦都因為咁，會喺過程入面學到好多意想唔到嘅嘢。喺學習嘅過程中，我認為學會認識自己，發掘到自己嘅潛能同力量係好重要嘅。你可能需要思考生活嘅方向同埋目標，亦都要不斷去學習同埋成長，最後會搵到屬於自己嘅路，喺呢條路上面，亦都會發掘出自己嘅價值同使命。
就好似今集嘉賓Jennifer咁，一直好謙虛，成日探索同學習。佢提醒咗我哋應該成日都懷有感恩嘅心，關懷他人，回饋社會，用唔同嘅方法培育更多嘅年輕人。
希望大家都受到Jennifer不斷創新，一直向前嘅思維而有所啟發，喺人生嘅旅程中走得更遠。
請留意《Dream Teller》專訪系列。我哋會喺城中繼續邀請唔同行業，唔同崗位嘅嘉賓分享自己嘅故事。唔知我下一集又會遇到邊個Dream Teller呢？
