Intro

大家好，我係明日女菁基金會始創董事張競詩Secy。

好多同學同我講過話，佢哋好鍾意煮嘢食，想將呢一個興趣變成專業。但亦有好多同學猶疑，因為佢哋話，大部份專業嘅廚師都係男仔。

今集，我哋好高興，邀請到劉韻棋 Vicky分享一下佢嘅故事。同埋，對於想做廚師或者投身飲食業嘅女同學，佢有啲咩建議？

Vicky係餐廳Tate Dining Room，同埋結合餅店同生活於一身嘅Date by Tate嘅主廚。佢亦因為對豆腐情有獨鍾，創立咗主題餐廳Mora。Vicky喺2015年被評為亞洲最佳女主廚。佢所經營嘅餐廳自開業以嚟，一直保持米芝蓮一星嘅水準，並於2021年榮升至米芝蓮二星。

究竟係乜嘢驅使Vicky由平面設計師轉做廚師呢？今集，我哋就嚟聽下Vicky由廚房之外到廚房之內嘅故事。

Outro

一直以男性主導嘅廚房，喺近幾年有好大嘅轉變。越嚟越多女廚師喺崗位上面發光發亮。好似Vicky咁，喺國際餐飲業上佔有一席位，創出咗自己嘅天空。

烹飪唔單止係煮嘢食，同埋令人感到飽肚咁簡單，佢仲可以係一種藝術，可以表達個人觀點，甚至係傳承文化。聽完今集嘅分享，我想同每個追夢嘅年輕女孩子講，工作軌道係可以轉變嘅。

好似Vicky所講，只要你搵到乜嘢令到你撻著心入面嗰團火，朝住自己想要嘅方向努力，你必定可以達到目標。

請留意《Dream Teller》專訪系列，我哋會喺城中繼續邀請唔同行業，唔同崗位嘅嘉賓分享自己嘅故事。唔知我下一集又會遇到邊個Dream Teller呢?

https://www.youtube.com/watch?v=ZNSXpylCzd4