立即申請
DreamTeller 分享系列: What Makes A Leader - 鄭余雅頴, 明日女菁基金會創辦人
日期： 2025年02月13日
場地： -
Intro
大家好，我係明日女菁基金會始創董事張競詩Secy。
時代嘅進步，帶嚟職業選擇嘅多樣性。同過去相比，要面臨嘅選擇更加複雜同埋多變。究竟乜嘢係理想工作？理想工作同埋夢想係咪有好大嘅距離？要搵到理想工作同埋實現夢想，究竟需要啲乜嘢技能同埋心態呢？僱主又可以做啲乜嘢，先至可以聘請同埋挽留住啲人才？
今集，我哋邀請到香港人力資源管理學會會長Lawrence，同埋LinkedIn嘅Head of Relationship Management Jaz，同我哋分享一下見解同埋心得。
Outro
全球數碼轉型，勞動市場大洗牌。聽完 Lawrence 同 Jaz 嘅分享，希望為正在打算未來嘅你，帶嚟一啲新嘅啓發同埋方向。今日嘅世界瞬息萬變，新工種，新行業，同新工作模式嘅誕生頻率急速提升。
喺追尋夢想或者搵到理想工作方面，好似今集嘉賓咁講，我哋需要裝備自己，要有職場需要嘅新技能，例如數碼技能。同時，亦都唔好忘記一啲軟技能嘅重要性，好似團隊精神，溝通技巧。
有人話，未來多咗好多不確定性，但係我認為正正就係因為種種嘅未知，令到我哋有更多發揮嘅空間。所以，我哋其實需要保持靈活性同埋適應力去迎接挑戰，咁樣，先至可以發揮影響力，一齊為呢個時代努力。
請留意《Dream Teller》專訪系列，我哋會喺城中繼續邀請唔同行業，唔同崗位嘅嘉賓分享自己嘅故事。唔知我下一集又會遇到邊個Dream Teller呢?
